أنتحر ولا ربنا ممكن يسامحني ؟

شارك هذه المقالة مع أصدقائك!

متوقعة قسوتك ولكن أحتاج رأيك انا كنت بتعالج نفسيا من سنين بسبب زواجى من رجل اكرهه وبعد سنوات وقعت فى حب عن طريق الفيسبوك كنت عايزة اخد نفسى بقصة حب وكلام حلو ولقيت راجل كنت بتمنى زيه من زمان لكن للاسف لقيت نفسى بكذب عليه فى كل حاجة هو شاب فى التلاتين وانا فى الاربعين لكن قولتله انى انسه وعندى 25سنة وعيشت معاه اجمل اربع شهور حب عذرى زى مابيقولوا لحد ماقرر يرتبط رسمى وكنت بتحجج لاخر وقت وهو عمل مشكلة طبعا ملقتش قدامى غير الهروب والاختفاء المفاجئ لكن نفسيتى ساءت جدا بسبب بعدى عنه وضميرى اللى معذبنى وانا متأكدة انه حبنى بصدق بس مقدرتش اواجهه بالحقيقة واخليه يفقد الثقة فى كل الناس وفضلت اختفيه وعارفة ان ده كمان عذاب له ..انا عارفة ان ده عيب وحرام وغلط بكل المقاييس ومش هسامح نفسى ابدا على ظلمى لنفسى ولزوجى ولهذا الرجل وانا انسحبت من حياتهم كلهم ومش عايزة اعيش انا مش هنتحر يمكن ربنا يسامحنى بس فعلا عايزة اكمل حياتى لوحدى ومبقتش عايزة زواج ولا حب انا بقيت اصلى واقرا قرآن بس …رأيك رجاء من غير تجريح انا بتعذب

أمينة – مصر

واقرا أيضاً :

بحقد عليه وبدعي عليه قولوا لي أعمل إيه؟
8 أساسيات تجعلك من الناجحين
زوجي يضع راتبه في البنك وانا اللي بصرف عليه بفكر أخلعه !!
والدته ترفضني لانني مطلقة ..ازاي أتصرف !!

ولما القسوة ولماذا التجريح ، انت أخطأت لكنك لم تجرمي ظلمت لكنك لم تستمري افقت سريعاً فتبتي ورجعت إلي الله ، والله غفور رحيم يغفر الذنوب جميعاً

ومش يمكن ربنا يسامحك بالتأكيد هو سيسامحك ويغفر لك ، المهم انك تسامحي نفسك وتغفري لها وتنسي خطأك ولا تحاولي تكراره مرة اخري

أنا لا أعلم موقفك الآن من زوجك هل أنت مستمرة معه هل تركته ، هل طلبت الانفصال ،

علي أية حال خطأك هذا يعلمك أن تعيشي حياتك بالطريقة التي تناسبك دون ان تضر أحد

لا تعيشي حياتك وانتي مضطرة تحت أي ظرف من الظروف كلام الناس ، ضغط الأهل ، الخوف من الزمن أو أي شيء آخر ، لا يوجد ما يجبرك علي حياة لا ترغبينها أو تضطرين إليها ، وفي النهاية ترتكبي اخطاء في حق نفسك وحق غيرك وتدوري مرة أخري في نفس الدايرة

صححي الوضع الخطأ الذي اضطرك لتفعلي ما فعلته ، فإما أن ترضي بزوجك وتعيشي معه بما يرضي الله حياة طبيعية خالية من الكره والغضب

أو أن تنفصلي عنه وتعيشي حياتك بالشكل الذي لا يضطرك إلس ارتكاب اية اخطاء او حماقات

في كل الاحوال عليك أن تتصالحي مع نفسك وتحبيها وتتقبليها وتعيشي حياتك في استقرار وهدوء وإما أن تتحملي صعوباتها ومنغصاتها أو تبتعدي عنها ،

جميل عودتك إلي الله استمري عليها لكن لا تنسي نصيبك من الدنيا بما يرضي الله ويحقق لك القدر ألداني من الرضا بحياتك ، افتحي لنفسك نوافذ جديدة للامل وثقي في الله الذي يقدر بمشيئته علي ان يبدل أقدارك ويغيرها للأفضل إن شاء الله .

واقرا أيضاً :

بحبها لكنها متساهلة وعاوزة جواز عرفي !!

فشلت مرتين في جوازي ونفسي اتجوز التالتة

محتار ما بين خطيبتي التي لا أحبها وحبي لزميلتي

زوجي مدمن مخدرات .. طلقني وبفكر أرجع له !!

تعليق واحد

تعليق واحد

تعليق

  1. التنبيهات : بعد علاقة 10 سنين سابني واتجوز .. شكوته لله !! – فضفضة

اترك تعليقاً